Դեկտեմբերիկ.Ամանորյա ծես

IMG_9694

«Իմացումի հրճվանք» ծրագրի կրտսերների «Դեկտեմբերիկ» ստուգատես

Օրը՝ Դեկտեմբերի 25, ժամը՝ 11:00-12:00

Մասնակիցները`

Արևմտյան դպրոց-պարտեզի 5 տարեկաններ, Սրբուհի Ներսիսյան, Ծաղիկ Գասպարյան
Հարավային դպրոց-պարտեզի 5 տարեկաններ, Սեդա Խաչատրյան, Թամարա Մարիմյան
Հյուսիսային դպրոց-պարտեզի 5 տարեկաններ, Մանուշակ Աբրահամյան, Ռուզաննա Աբրահամյան
Քոլեջի 5 տարեկաններ, Փիրուզա Հարությունյան, Սոնա Քեհեյան, Անահիտ Գրիգորյան, Լիլիա Զախարյան

Այլ մասնակիցներ՝ ծնողներ, դասավանդողներ, հյուրեր:

Անցկացման վայրը՝ Մարմարյա սրահ

Հագուստը՝ սպիտակ վերնաշապիկ, մուգ տաբատ, ձմեռ պապու կարմիր գխարկ

Հնչում է երաժշտությունը, խմբերը գնացքի տեսքով գալիս են Մարմարյա սրահում՝ շրջանաձև կանգնում:

1-ին`փոքր​ շրջան-Արևմտյան դպրոցի 5 տարեկաններ

2-րդ`​ միջին շրջան- Քոլեջի 5 տարեկաններ

3-րդ`մեծ շրջան-Հյուսիսային և Հարավային դպրոցների 5 տարեկաններ

1. Միասին՝ Շնորհավոր Նոր տարի,

Արևմտյան դպրոց՝  Ձեր տունը շեն իլի,

Քոլեջ (Անահիտ)՝ Բարով նոր հագնեք,

Քոլեջ (Փիրուզա)՝ Միշտ ուրախ իլեք:

Հյուսիային դպրոց՝ Հացը բոլ իլի,

Հարավային դպրոց՝ Աչքը կուշտ իլի,

Միասին՝  Ձեզ էլ փայ իլի, Մեզ էլ փայ իլի:

2. Միասնական երգ-պար՝ Զար, զընգը

Զար, զընգը, զար, զընգը, թող զընգա,
Պարենք գիշեր լուսընկա:
Էս գիշեր` լուսնակ գիշեր,
Զար, զընգը, զար, զընգը, թող զընգա,
Ձուն էկեր` գետին նախշեր,
Զար, զընգը, զար, զընգը, թող զընգա,
Էլի պարը բոլորավ,
Զար, զընգը, զար, զընգը, թող զընգա,
Քուրըս միջին մոլորավ,
Պարենք գիշեր լուսընկա:
Զար, զընգը, զար, զընգը, թող զընգա,
Պարենք գիշեր լուսընկա:

3. Արևմտյան դպրոց՝  Ձեր տուն մտնի հազար բարի,

Քոլեջ (Անահիտ)՝Հաճար, ցորեն, կորեկ, գարի,

Քոլեջ (Փիրուզա)՝ Լիքը խորեր շատ ունենաք,

Հյուսիային դպրոց՝ Կարմիր օրեր շատ ունենաք,

Հարավային դպրոց՝ Կարմիր օրով, կարմիր շորով,

Միասին՝ Ուրախ կենաք` լիքը տնով:

4. Միասնական երգ- Այ քեզ, այ քեզ տոնածառ

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Քաղցր չամիչ, համեղ նուշ,
Տանձ ու խնձոր քաղցրանուշ,
Չրեր մրգեր, դեղձ ու նուռ ,
Ու մի կոկոս անչափ լուռ:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Գաթա ու տորթ ենք բերել,
Փայլուն խաղող ենք շարել,
Երգեր հազար, հազար միրգ,
Քեզ ականջօղ ենք արել:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:
Մրգով, գաթով, շատ համեղ,
Տանածառ ես, թե սկուտեղ:

5. Արևմտյան դպրոց՝ Գալանտոս տոս, տոս … (տեղում դոփելով)

Քոլեջ՝ Գալանտոս տոս, տոս …  (տեղում` դոփելով)

Հյուսիսային դպրոց՝ Գալանտոս տոս, տոս …  (տեղում`դոփելով)

Հարավային դպրոց՝ Գալանտոս տոս, տոս …  (տեղում`դոփելով)

Միասին`

Գալանտոս տոս, տոս
Գալանտոսը էկել է,
Դռան տակը կայնիլ է,
Շիլա շապիկ հագիլ է,
Կարմիր գոտի կապիլ է,
Մեկ ավուճին խայիլ է:

6. Միասին կանչում են (վանկերով).

աջ թեքվելով`Գալանտոս

ձախ թեքվելով`Կաղանդ պապի

ուղիղ`Ձմեռ պապի

Ներս է մտնում Ձմեռ պապին, երեխաներին ողջունում: Առաջարկում է տոնը միասին շարունակել:

7. Միասնական երգ՝  Տոնածառ ջան

Տոնածառ ջան, տոնածառ
Ի՜նչ սիրուն ես ու պայծառ,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

Կարմիր աստղ գագաթին,
Ծառի տակ՝ Ձմեռ պապին,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

8. Միասին`

Հինը գնաց, նորը կուգա,
Հինը ուրախ ճանապարհեք,
Նորի համար պատրաստեցեք
Դուռ, լուսամուտ բացեք,
Ինչ ուզում եք խնդրեցեք:

9. Միասնական երգ-պար՝ Բասեն բարի

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Տղա՛, արի, բռնե, պարի,
Հա՛յ Նուբարի, ջա՛ն Նուբարի, Նուբարի:

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Աղջի, արի, բռնե, պարի,
Հա՛յ Նուբարի, ջա՛ն Նուբարի, Նուբարի:

Երկու գնա, երեք արի,
Հա՛յ դոմբարի, ջա՛ն դոմբարի,
Տղա, արի, բռնե, պարի,
Հա՛յ դոմբարի, ջա՛ն դոմբարի, դոմբարի:

Արի՝ խաղանք էս դոմբարին,
Բասեն բարի, Բասեն բարի,
Ինչքան ուրախ է էս տարին,
Հա՛յ դոմբարի, ջա՛ն դոմբարի, դոմբարի:

10. Հյուրասիրություն`

Յուրաքանչյուր խմբից երկու երեխա իր հյուրասիրության զամբյուղով մոտենում է հյուրերին` բաժինք հանում իրենց ամանորյա սեղանից:

 

Advertisements

Դեկտեմբերիկ.Ամանորյա տեխնոլոգիական ստուգատես

IMG_9725

«Իմացումի հրճվանք» ծրագրի կրտսերների «Դեկտեմբերիկ» ստուգատես

Օրը՝ Դեկտեմբերի 22, ժամը՝ 11:00-12:30

Մասնակիցները`

Արևմտյան դպրոց-պարտեզի 5 տարեկաններ, Սրբուհի Ներսիսյան, Ծաղիկ Գասպարյան
Հարավային դպրոց-պարտեզի 5 տարեկաններ, Սեդա Խաչատրյան, Թամարա Մարիմյան
Հյուսիսային դպրոց-պարտեզի 5 տարեկաններ, Մանուշակ Աբրահամյան, Ռուզաննա Աբրահամյան
Քոլեջի 5 տարեկաններ, Փիրուզա Հարությունյան, Սոնա Քեհեյան, Անահիտ Գրիգորյան, Լիլիա Զախարյան

Այլ մասնակիցներ՝ ծնողներ, դասավանդողներ, հյուրեր:

Անցկացման վայրերը՝ Քոլեջ, Հյուսիսային, Հարավային, Արևմտյան դպրոցներ

Ծրագրում՝
Տարեգաթայի թխում, աղանձի, փոխինձի, հալվայի, ադիբուդու պատրաստում:

Նկարագրություն՝

Տարեգաթա հունցելու ընթացքում սովորողները արտասանում են`

Ձյունի սպիտակ ալյուր մաղեմ ,
Բերք-բարիքի տարի լինի:
Անուշ-անուշ խմոր շաղեմ,
Արտս ցորեն — գարի լինի,
Կլոր , կարմիր գաթա թխեմ,
Թող թխածս բարի լինի:

Երգում են՝

«Ավետիս» երգաշարից` որպես օրհնանք

Գաթայի բաղադրատոմս`
Ալյուրը մաղել թասի մեջ , աղ և մի թեյի գթալ սոդա ավելացնել, 100 գ հալեցրած կարագ լցնել, խառնել ավելացնել 1 ձվի և 1 բաժակ մածնի խառնուրդը, խմոր շաղել, ապա 5 րոպե կամ գրտնակով ծեծել, կամ սեղանին խփել, խմորը ծածկել, թողնել 20 րոպե հանգստանա: Այդ ընթացքում խորիզն են պատրաստում:

Խորիզի բաղադրատոմս`
Խորիզը պատրաստելու համար՝ խառնել թեթևակի բոված ալյուրը, շաքարավազը, փափուկ կարագն ու վանիլինը, հավասար փշուր ստանալ:

Յուղաթղթի կտորի վրա խմորը ձեռքերով տափակացնել, լցնել խորիզը և 1 հատ կոճակ դնել, խմորի եզրերը հավաքել, գաթան տափակացնել այնքան, որ 1.5 սմ բարձրություն ունենա, երեսին պատառաքաղով նախշեր գծել, հարած ձու քսել, ծակծկել: Գաթան յուղաթղթով տեղափոխել ջեռոցի տապակի մեջ, եփել 200* ջերմությամբ ջեռոցում՝ մինչև երեսը կարմրի:

Մինչ գաթան կթխվի, «Ծիսական խաղ» ենք խաղում:

Դեկտեմբերի 25-ի հյուրասիրության համար՝

Անահիտ, Լիլիա և ընկերներ- աղանձ

Սրբուհի, Ծաղիկև ընկերներ-ադիբուդի

Սեդա, Թամարա և ընկերներ-հալվա

Փիրուզա, Սոնա և ընկերներ-փողինձ

Մանուշակ, Ռուզաննա և ընկերներ-տարեգաթա

Դեկտեմբերիկ.Մարզական ստուգատես

IMG_9823

«Իմացումի հրճվանք» ծրագրի կրտսերների «Դեկտեմբերիկ» ստուգատես

Օրը՝ Դեկտեմբերի 20, ժամը՝ 11:00-12:00

Մասնակիցները`

Արևմտյան դպրոց-պարտեզի 5 տարեկաններ, Սրբուհի Ներսիսյան, Ծաղիկ Գասպարյան
Հարավային դպրոց-պարտեզի 5 տարեկաններ, Սեդա Խաչատրյան, Թամարա Մարիմյան
Հյուսիսային դպրոց-պարտեզի 5 տարեկաններ, Մանուշակ Աբրահամյան, Ռուզաննա Աբրահամյան
Քոլեջի 5 տարեկաններ, Փիրուզա Հարությունյան, Սոնա Քեհեյան, Անահիտ Գրիգորյան, Լիլիա Զախարյան

Այլ մասնակիցներ՝ ծնողներ, դասավանդողներ, հյուրեր:

Անցկացման վայրերը՝

Մարզադալիճում` Հյուսիսային դրրոցի և Քոլեջ 5 տարեկաններ
«Վահան Ասատրան» մարզահամալիրում՝ Հարավային և Արևմտյան դպրոցի 5 տարեկաններ

Ծրագրում՝

Պարապմունքը բաղկացած է երկու մասից՝ նախավարժանք և էստաֆետային խաղեր։

Նկարագրություն`

Մաս 1-ին`Նախավարժանք

Տաքացնել մկանները՝ պարանոցից ոտնաթաթ։

1.Սովորողներին տրվում է հրահանգ ձեռքերը գոտկատեղին, քթով օդում գրել 1-ից 10 թվերը և հակառակը:

Այս նախավարժանքը թույլ կտա լիարժեք աշխատացնել պարանոցի, դեմքի մկանները:

2. Կատարում ենք կրծքավանդակի ձգումներ. ձեռքերը կրծքավանդակի մոտ, ելման դրություն, երեք հաշիվ զսպանակում ենք, չորսին լայն բացում ենք՝ թեքվելով աջ և ձախ:

3. Կատարում ենք արտակորումներ՝ առաջ և հետ:

Ձեռքերը գոտկատեղին ելման դրություն, երեք հաշիվ զսպանակում ենք առաջ, չորսին ելման դրություն: Եվ նույնը՝ դեպի հետ, աջ և ձախ:

4. Կատարում ենք կքանիստ

5. Տեղում ցատկեր երկու ոտքի վրա, մեկ ոտքի վրա:

Մաս 2-րդ`Էստաֆետային խաղեր

Խաղ 1

Խաղացողները բաժանվում են երկու հավասար խմբի և կանգնում միմյանցից 2 մետր հեռավորության վրա, միաշարք: Շարքերի առջևում գծվում է սահմանագիծը: Յուրաքանչյուր շարքի դիմաց կանգնում է մի խաղացող՝ խաղավարը: Մարզչի ազդանշանով խաղավարը գնդակը գցում է շարքում կանգնած առաջին խաղացողին, որը բռնում և նորից ետ է գցում խաղավարին, իսկ ինքը վազում և կանգնում է շարքի վերջում: Հետո երկրորդ, երրորդ խաղացողին, որն առաջ է եկել: Եվ այսպես, մինչև վերջին խաղացողը ետ է գցում գնդակը խաղավարին և բարձրացնում ձեռքը վեր:

Խաղ 2

Մասնակիցները մեկնարկային գծից` պարկեր ոտքերին հագած, ցատկելով հասնում են եզրագծին, պարկից դուրս գալիս, վազելով ետ վերադառնում, փոխանցնում հաջորդ մասնակցին: Նույն գործողությունները կրկնում են շարքում կանգնած բոլոր մասնաները:

Խաղ 3

Մասնակիցները միմյանց ձեռքերը բռնած՝ հաջորդաբար անցնում են դասվարի օղակի միջով:

Անհրաժեշտ մարզագույք` գնդականեր, օղակներ, բուլավաներ, ներքնակներ,

Գոբելեն – Կարպետ

Գոբելեն – Կարպետ

Մխիթար Սեբաստացի կրթահամալիրի Քոլեջում 2017-18 ուստարում նախատում ենք ազգային արհեստների տեխնոլոգիաների դասավանդման մեկամյա կուրսեր:

Հնագույն ժամանակներից մեր օրերն հասած արհեստ – արվեստ, այսօր ևս արդիական և պահանջարկ ունեցող, որպես կիրառական և կենցաղային անհրաժեշտություն: Երկու դեպքում էլ օգտագործվում են՝ դազգահ- ձգած հենք, թելեր տարբեր որակի և գույների, գործվածքը հավասարեցնող ու կտրող գործիքներ: Հիմնական տարբերությունը կայանում է էսքիզների կոմպոզիցիոն լուծման մեջ: Կարպետի էսքիզի դեպքում օգտագործվում են հայկական զարդանախշեր, կենդանական և բուսական դեկորատիվ, երկրաչափական պատկերների կոմպոզիցիոն, սիմետրիկ լուծումով: Գոբելենը իր ձևի, կոմպոզիցիոն հարթության մեջ ազատ է, աբստրակտ, չունի սահմանափակումներ թեմայի ընտրության հարցում: Օգտվելով այս տեխնոլոգիներց, կարելի է ստեղծել գեղագիտական ճաշակ թելադրող աքսեսուարներ՝ պայուսակ, գոտի, կախակապ…

Գոբելեն- ձեռքով գործված գեղարվեստական նկարներով գորգ: Որոշակի իմաստով գոբելեն է կոչվում մինչև այժմ գործող փարիզյան մանուֆակտուրայի (հիմնվել է 1662 թվականին, Սեն Մարսել արվարձանում) արտադրանքը։ Որպես թագավորական մանուֆակտուրա՝ նրա գլխավոր մասնաշենքը դարձավ 15-րդ դարի հայտնի ներկարարներ գոբելենների նախկին արհեստանոցը, այդ անունով էլ կոչվեց մանուֆակտուրան ու նրա արտադրանքը։ Գոբելեն գործվել է բրդյա և մետաքսյա գունավոր թելերով։ Գոբելենները գործվել են ձեռքի հատուկ դազգահների վրա։ Գոբելենի բնորոշ հատկանիշն է հիմնաթելերով «Թագավորի այցը գոբելենների մանուֆակտուրա», գոբելեն «Լյուդովիկոս 15-ի պատմությունը» շարքից, բուրդ, մետաքս,ոսկյա և արծաթյա թելեր, Էսքիզը՝ Շ․ Լեբրենի (1673-1679 թվաաններին, Սզգային ունեցվածք, Փարիզ) «Երկինք», գոբելեն, բուրդ, Էսքիզը՝ ժ․ Լյուրսայի (1956 թվական, ազգային ունեցվածք, Փարիզ) ստեղծված մակաշերտավոր երեսակողմի և կարերով ստեղծված հակառակ երեսի անհարթությունը17-18-րդ դարերում պատմական, դիցաբանական, կրոնական և գրական սյուժեներով, գեղարվեստական բարձր արժանիքներով ստեղծված գոբելենները այնպիսի ճանաչում են գտել, որ գոբելեն են կոչվել սկզբում Ֆրանսիայի մյուս մանուֆակտուրաներում և այլ երկրներում ընդօրինակված շպալերները, իսկ 19-րդ դարում ընդհանրապես շպալերները և նույնիսկ մեքենայով խիտ գործված «Երկինք», գոբելեն, բուրդ,Անրի Մատիսի 1946 թվականի էսքիզով (1972 թվական, Ազգային ունեցվածք, Փարիզ) տառները (այսպես կոչված գոբելենային գործվածքները)։ 19-րդ դարում գեղարվեստական մակարդակը իջել Է։ 1930 ական թվականներին գոբելենի արվեստը վերածնվել է նոր ոճական հիմքի վրա։

Կարպետ, ձունձ, գործվածք։ Գործում են հիմնականում բրդե, շատ դեպքերում՝ մազե, բամբակե, երբեմն՝ մետաքսե, վուշե, ոսկե թելերով կամ դրանց խառնուրդներով։ Ցրտից պաշտպանվելու և դեկորատիվ նպատակներով փռում են հատակին, թախտին, աստիճաններին ու միջանցքներում, կախում պատից, գործածում իբրև վարագույր, վրանի, ձիու թամբի ծածկոց։ Կարպետի գործվածքից պատրաստում են խուրջիններ, անկողնակալներ, պարկեր և այլն։ Կարպետ հնում գործածել են նաև տոնական օրերին պատշգամբը զարդարելու համար։ Կարպետներ գործում են տորքի (հաստոց) վրա։ Հենքի ուղղահայաց ձգված միագույն թելերը ծածկվում են հորիզոնական ուղղությամբ գործող գունավոր միջնաթելերով, որոնցով և ստեղծվում են նախշերն ու ամբողջական հորինվածքը։ Հայաստանի տարածքում ապրող բնակչությանը կարպետը հայտնի է եղել դեռևս մ. թ. ա. II հազարամյակում (կապերտային գործվածքի պատառիկ է հայտնաբերվել Արթիկի բրոնզեդարյան դամբարաններից)։ Ուրարտուի Թեյշեբսփնի (Կարմիր բլուր) բերդաքաղաքի պեղումների ժամանակ հայտնաբերվել են բրդաթելի կծիկներ և լաթի կտոր, որը մասնագետները, համեմատելով ժամանակակից կարպետների հետ, պարզել են, որ եղել է կապերտային գործվածք, իսկ Անի քաղաքի պեղումներով հայտնաբերվել են միջնադարյան կարպետի և կապերտային այլ գործվածքների պատառիկներ։
Կապերտագործության զարգացման համար Հայաստանում կային բոլոր նպաստավոր պայմաններն ու նյութերը (բուրդ, այծի մազ, բամբակ, մետաքս, բուսական, կենդանական, հանքային ներկեր և այլն)։ Միաժամանակ Հայաստանով էին անցնում Արևելքը Արևմուտքի հետ կապող միջազգային առևտրի խոշոր ճանապարհները, որը և նպաստում էր կարպետներ գործելուն և արտահանելուն։ Հայ մատենագրության մեջ կարպետ բառը գործածվել է սկսած V դ., իսկ X—XIII դդ. միջազգային առևտրի շնորհիվ տարածվել է Եվրոպայում (ֆրանս. carpette, անգլ. carpet) և գործածվել գորգ իմաստով։ Կարպետներ գործել են Հայաստանի գրեթե բոլոր շրջաններում։ Առանձնապես հարգի են եղել «Զիլե» կոչվող կարպետները (անվանումն ստացել են Սեբաստիայիկուսակալության համանուն քաղաքից) և օձակապերտները։ Հայաստանից արտագաղթած հայերի միջոցով կարպետների շատ զարդամոտիվներ, ամբողջական հորինվածքներ և կապերտագործության եղանակները տարածվեցին նաև հայկ. գաղթավայրերում (Լվով, Մոլդավիա, Ռումինիա, Լեհաստանև այլն), ուր մինչև XVIII դ. շարունակում էին հայկ. կապերտագործության ավանդույթները։
Կապերտագործությունը, ինչպես Հայաստանում, այնպես Էլ Արևելքի շատ երկրներում, առավելապես տնային արհեստ էր, որով զբաղվում էին հիմնականում կանայք ու աղջիկներ, երբեմն՝ նաև տղամարդիկ։ Կարպետ մեծ մասամբ պատրաստել և գործածել են միջին խավի բնակիչները, իսկ չքավորներն օգտագործել են պարզ նախշերով կամ առանց նախշերի կարպետներ։ Հայկական կարպետների մեջ, ըստ գործելու եղանակների, հայտնի են մեզարը, ջեջիմը, մատնաքաշ, երկու երեսանի մատնաքաշ, շուլալ, ուղիղ օղաճիտ փաթաթովի, թեք օղաճիտ փաթաթովի և ծոպերես կարպետները՝ յուրահատուկ նախշերով ու հորինվածքով։ Հայկական կարպետների զարդամոտիվները, լինելով բարդ ու բազմազան, հիմնականում արտահայտում են բնակչության տնտեսությունը (մանգաղ, հասկ և այլն), առասպելական կենդանիների ու երևույթների վերաբերյալ ժողովրդական պատկերացումները, կոնկրետ պատմաաշխարհագրական միջավայրի բնակչության գեղագիտական ճաշակը։ Աչքի են ընկնում հավատ և պաշտամունք (տոտեմական և այլն), արև, լուսին և այլ երկնային մարմիններ խորհրդանշող զարդամոտիվները, մարդկանց, կենդանիների ուրվագծային պատկերները, բուսական նախշերը (կենաց ծառ, վարդյակներ, ծաղիկներ և այլն), որոնցից շատերն ունեցել են մոգական (չար աչքից պահպանելու) իմաստ։ Հայկական կարպետների վրա վերարտադրվել են նույնիսկ հնագույն ժայռապատկերների նմանակումներ։ Կարպետներն ու կապերտային գործվածքից իրերը անցյալում եղել են նվիրատվության և նորահարսի օժիտի առարկաներ։

Վիքիպեդիայից՝ ազատ հանրագիտարանից

Դեկտեմբերիկ. «Տիկնիկայինի հանդիսատես»+Մեդիա ստուգատես

«Իմացումի հրճվանք» ծրագրի կրտսերների «Դեկտեմբերիկ» ստուգատես

Օրը՝ Դեկտեմբերի 18, ժամը՝ 10:15-14:00

Մասնակիցները`

Արևմտյան դպրոց-պարտեզի 5 տարեկաններ, Սրբուհի Ներսիսյան, Ծաղիկ Գասպարյան
Հյուսիսային դպրոց-պարտեզի 5 տարեկաններ, Մանուշակ Աբրահամյան, Ռուզաննա Աբրահամյան
Քոլեջի 5 տարեկաններ, Փիրուզա Հարությունյան, Սոնա Քեհեյան, Անահիտ Գրիգորյան, Լիլիա Զախարյան

Վայրը՝ Թումանյանի անվան տիկնիկային թատրոն

Օրը՝ Դեկտեմբերի 22, ժամը՝ 10:00-14:00

Մասնակիցները`

Հարավային դպրոց-պարտեզի 5 տարեկաններ, Սեդա Խաչատրյան, Թամարա Մարիմյան

Վայրը՝ Խամաճիկների թատրոն,

Ծրագրում՝

  • Ճանապարհի, ժամանակի չափումներ, շարք-տեղ-երեխա հաշվումների կազմակերպում
  • Ամանորյա ծրագրի մասնակցություն, ներկայացման դիտում
  • Քաղաքային թափառումներ՝ «Ամանորյա  Երևանը» ֆոտոպլեների կազմակերպում
  • «Ամանորյա բարեմաղթանքներ՝ Երևանի փողոցներից»  ռադիոթողարկման ձայնագրում 

Նկարագրությունը՝

10:00-ին բաժանվում ենք խմբերի, յուրաքանչյուր խումբ իր հանձնարարույթունն է ստանում, հագնվում ենք, վերցնում՝ ուսումնական գործիքները, ուսապայուսակերը, 10:20, դպրոցի մոտից, ճանապարհ ընկնում:

Խմբերի բաժանում՝

Պարկի մեջ սովորողների քանակին համապատասխան խորանարդիկներ ենք լցնում (կապույտ, կանաչ, կարմիր): Սովորողները՝ փակ աչքերով, պարկից հանում են մեկական խորանարդ և մոտենում են համապատասխան գույն ունեցող խմբին:

Աշխատանքի բաժանում՝

  • կապույտ՝ լուսանկարիչների խումբ
  • կանաչ՝ լրագրողների խումբ
  • կարմիր՝ մաթեմատիկների խումբ

Կարմիր՝ մաթեմատիկների խումբ

  • Ճանապարհի, ժամանակի չափումներ, շարք-տեղ-երեխա հաշվումների խազմակերպում

Խմբի անդամների համար աշխատանքի բաժանում ենք անում: Մի մասը գրանացում են ժամանակը, մյուսները՝ճանապարհի հեռավորությունը (վարորդի օգնույթամբ), մի քանիսն էլ հաշվում են շարքերի քանակը, ազատ մնացած տեղերի քանակը, ընդմիջման ժամանակը:

Կապույտ՝ լուսանկարիչների խումբ

  • Քաղաքային թափառումներ՝ «Ամանորյա  Երևանը» ֆոտոպլեների կազմակերպում

Յուրաքանչյուր սովորող իր մեդիագործիքով լուսանկարում է քայքի ընթացքում հանդիպող հետաքրքիր ամանորյա ձևավորումները:

Կանաչ՝ լրագրողների խումբ 

  • Հարցազրույց թատրոնի աշխատողների հետ
  • «Ամանորյա բարեմաղթանքներ՝ Երևանի փողոցներից»  ռադիոթողարկման ձայնագրում
  • Օրվա լուսաբանում՝ ներկայացման քննարկում

Արդյունքում

  • ստեղծված ռադիոլուրը, տեսաֆիլմը հրապարակում ենք դասարանական բլոգում, ենթակայքում, սոցցանցերում
  • առցանց ցուցադրություն ենք կազմակերպում դասարանական բլոգում, ենթակայքում, սոցցանցերում

 

Դեկտեմբերիկ. Լողի ստուգատես

«Իմացումի հրճվանք» ծրագրի կրտսերների «Դեկտեմբերիկ» ստուգատես

Օր` Դեկտեմբերի  15 
Վայրը
` Արևմտյան դպրոցի փակ լողավազան

Մասնակիցները՝
Քոլեջի 5 տարեկաններ, Փիրուզա Հարությունյան, Սոնա Քեհեյան

Ժամանակացույցը`

Դեկտեմբերի 15, ժամը`​10:50-11:35 ​-Քոլեջի 5 տարեկաններ, Փիրուզա Հարությունյան, Սոնա Քեհեյան

 

Ծրագրում ՝

Նախավարժանք

  • Ոտքերով մկրատաձև մարզանք
  • Ոտնաթաթերի ձգում դեպի վեր

Վարժություններ 

  • Շնչառության պահում 3-7 վայրկյան
  • Ջրացատկ`Սովորողները հերթով լողավազանի եզրից ցատկում են ջրի մեջ՝ փորձելով երկար ցատկ անել դեպի լողավազան:

Խաղեր

Խաղ 1

Սովորողները թևիկներով ու գնդակով լողում են ուղիղ ՝մինչև դիմացը կանգնած թիմակիցը, մյուս թիմակիցը վերցնում է գնդակը և շարժվում առաջ։ էստաֆետին կարող են մասնակցել 2-ից ավել թիմեր, ամեն թիմում՝ առնվազն 4 սովորող:

Խաղ 2

Շարժախաղ՝ գայլն ու նապաստակները

1-3 սովորող դառնում են  գայլեր և փորձում են լողալով բռնել  նապաստակ դարձած սովորողներին:

Անհրաժեշտ պարագաներ՝

  1. Լողազգեստ
  2. Ռեզինե գլխարկ
  3. Լողաթափեր
  4. Սրբիչ
  5. Ակնոցներ
  6. Գնդակ